كل سنه وأنتوا طيبيين

كل سنه وأحنا مسلمين, وبربنا موحدين , وبالجنه موعدين ياارب

رمضان كريم

يوتوبيا عمر بن الخطاب

يوتوبيا المدينه الفاضله , ابتكرها سير توماس مور , أخينا ده فضل يسرح بخياله كده وراح هناك, راح فى المكان اللى بيتمنى انه يعيش فيه , ابتكر مدينه كل الناس اللى عايشيين فيها سواسيه , مفيش فيها كل سلبيات البشر اللى كلنا عارفينها , توماس قال المدينه دى كلها خير وحب وجمال ومفيش فيها لا شر ولا حقد ولا كره.
بس تعرفوا أن كل واحد فينا عنده يوتوبيا بتاعته. مكانك اللى بتروحلوا كل لما تتخنق من اى حاجه جانبك, تبص تلقيك بتسرح ثوانى هناك وتتخيل أنك عايش فى دنيا تانيه مفيهاش كل اللى مضايقك على الارض.
انا المدينه الفاضله بتاعتى مفيهاش زحمه و لا خنقه مفيهاش فقر ولا مرض مفيهاش ناس بتموت علشان مش لاقيه حق الدواء, يوتوبيا بتاعتى مفيهاش مليون مواطن محشور فى اتوبيس وماشى جنبهم عربيه بمليون جنيه , مفيهاش لا شقق على النيل ولا عشش صفيح يوتبيا بتاعتى مش هاعمل فيها قهاوى علشان مش عايزه شباب زى الورد يقعد عليها مستنى حد ياخد بأيده. يوتوبيا بتاعتى مفيهاش شوارع مكسره ولا ضيقه. فى المدينه بتاعتى مفيش طفل هيكون محروم من اى حاجه. كل حاجه فى نفسه هتكون عنده. يوتوبيا بتاعتى مش هيكون فيها شباب نفسها تتجوز ومش لاقيه شقق.
يوتوبيا بتاعتى كل حاجه فيها ملونه. وكل الناس بتتضحك من قلبها مش من غلبها. يوتوبيا بتاعتى الناس بتحترم بعض. وبيخافوا على بعض. مفيش فيها غدر ولا خيانه , مفيش فيها كره ولا بغض, ومفيش فيها فراق أبدا.
نموذج بشرى للجنة على الارض, طبعأ كلنا هنقول ده مستحيل يحصل. وأحنا فيين والكلام ده فيين, بس تصدقوا أن الكلام ده حصل فعلا على يد سيدنا "عمر بن الخطاب" .
سيدنا عمر رضى الله عنه وأرضاه استطاع ان يصنع مدينه فاضله على الارض, حيث كل الناس سواسيه. فى عهده تم القضاء على الفقر, لدرجة أن المنادى كان بيمشى فى الشوارع ينادى "من يريد أن يحج بيت الله من مال بيت المسلمين" "ومن يريد مال من بيت مال المسلمين" فلا يجد من يرد عليه.
و دى مقالات عن سيدنا عمر من بعض المواقع الاسلاميه علشان تحكموا بنفسكم...

كان "عمر بن الخطاب" نموذجًا فريدًا للحاكم الذي يستشعر مسئوليته أمام الله وأمام الأمة، فقد كان مثالا نادرًا للزهد والورع، والتواضع والإحساس بثقل التبعة وخطورة مسئولية الحكم، حتى إنه كان يخرج ليلا يتفقد أحوال المسلمين، ويلتمس حاجات رعيته التي استودعه الله أمانتها، وله في ذلك قصص عجيبة وأخبار طريفة، من ذلك ما روي أنه بينما كان يعس بالمدينة إذا بخيمة يصدر منها أنين امرأة، فلما اقترب رأى رجلا قاعدًا فاقترب منه وسلم عليه، وسأله عن خبره، فعلم أنه جاء من البادية، وأن امرأته جاءها المخاض وليس عندها أحد، فانطلق عمر إلى بيته فقال لامرأته "أم كلثوم بنت علي" ـ هل لك في أجر ساقه الله إليك؟ فقالت: وما هو؟ قال: امرأة غريبة تمخض وليس عندها أحد ـ قالت نعم إن شئت فانطلقت معه، وحملت إليها ما تحتاجه من سمن وحبوب وطعام، فدخلت على المرأة، وراح عمر يوقد النار حتى انبعث الدخان من لحيته، والرجل ينظر إليه متعجبًا وهو لا يعرفه، فلما ولدت المرأة نادت أم كلثوم "عمر" يا أمير المؤمنين، بشر صاحبك بغلام، فلما سمع الرجل أخذ يتراجع وقد أخذته الهيبة والدهشة، فسكن عمر من روعه وحمل الطعام إلى زوجته لتطعم امرأة الرجل، ثم قام ووضع شيئًا من الطعام بين يدي الرجل وهو يقول له: كل ويحك فإنك قد سهرت الليل!

وكان "عمر" عفيفًا مترفعًا عن أموال المسلمين، حتى إنه جعل نفقته ونفقة عياله كل يوم درهمين، في الوقت الذي كان يأتيه الخراج لا يدري له عدا فيفرقه على المسلمين، ولا يبقي لنفسه منه شيئا.
وكان يقول: أنزلت مال الله مني منزلة مال اليتيم، فإن استغنيت عففت عنه، وإن افتقرت أكلت بالمعروف.
وخرج يومًا حتى أتى المنبر، وكان قد اشتكى ألمًا في بطنه فوصف له العسل، وكان في بيت المال آنية منه، فقال يستأذن الرعية: إن أذنتم لي فيها أخذتها، وإلا فإنها علي حرام، فأذنوا له فيها.

كان عمر دائم الرقابة لله في نفسه وفي عماله وفي رعيته، بل إنه ليشعر بوطأة المسئولية عليه حتى تجاه البهائم العجماء فيقول: "والله لو أن بغلة عثرت بشط الفرات لكنت مسئولا عنها أمام الله، لماذا لم أعبد لها الطريق".

وكان "عمر" إذا بعث عاملاً كتب ماله، حتى يحاسبه إذا ما استعفاه أو عزله عن ثروته وأمواله، وكان يدقق الاختيار لمن يتولون أمور الرعية، أو يتعرضون لحوائج المسلمين، ويعد نفسه شريكًا لهم في أفعالهم.

واستشعر عمر خطورة الحكم والمسئولية، فكان إذا أتاه الخصمان برك على ركبته وقال: اللهم أعني عليهم، فإن كل واحد منهما يريدني على ديني.

وقد بلغ من شدة عدل عمر وورعه أنه لما أقام "عمرو بن العاص" الحد على "عبد الرحمن بن عمر" في شرب الخمر، نهره وهدده بالعزل؛ لأنه لم يقم عليه الحد علانية أمام الناس، وأمره أن يرسل إليه ولده "عبد الرحمن" فلما دخل عليه وكان ضعيفًا منهكًا من الجلد، أمر "عمر" بإقامة الحد عليه مرة أخرى علانية، وتدخل بعض الصحابة ليقنعوه بأنه قد أقيم عليه الحد مرة فلا يقام عليه ثانية، ولكنه عنفهم، وضربه ثانية و"عبد الرحمن" يصيح: أنا مريض وأنت قاتلي، فلا يصغي إليه. وبعد أن ضربه حبسه فمرض فمات!!


عمر بن الخطاب حقق أقرب ما يكون من المدينه الفاضله , حققها بايمانه و بالتقوى. بخوفه من الله وبنزاهته وبتطبيقه لاحكام الدين. مكنش عامل اعتبار لاى حاجه تانيه غير وقفته قدام ربنا.وخديين بالكم ان عمر بن الخطاب ما هو الا بشر زينا بالظبط , يعنى لا ملاك ولا رسول ولا قديس.


بصوا أنا مش عارفه انا بكتب الكلام ده ليه, بس كنت مخنوقه وحاسه انى لازم اكتبه. الدنيا بقت وحشه أوى والحياه وخدانا فى دوامتها , وأهى ايام وبنقضيها وخلاص. بس مش المفروض نفضل كده لازم نفوق ونفكر بشكل تانى, كل واحد فينا يفكر فى المدينه الفاضله اللى نفسه يعيش فيها ويحاول على قد ما يقدر يحقق منها حاجه, وده مش خيال لأن سيدنا عمر بن الخطاب "رضى الله عنه" عملها, يعنى من الاخر ملناش حجه!!؟

عدنا

انا عارفه ان بقالى كتيير مووت مفتحتش ساعة عصارى , متتصوروش كان وحشانى اد اييه مش بس ساعة عصارى لا وكل المدونات التانيه اللى كنت متابعها باستمرار عايزه اتجوز و الحصان الاسود وسوسه وبيت العز وخطوه عزيزه و كلبوزه وناااس تانيه كتيير.

لكن كل ده كان غصب عنى دخلت فى دوامة امتحانات على ضغط شغل وأخيرا جواز أعز صحباتى - بالمناسبه 1000 مبروك يا أوشا انتى وأحمد – على اى حال انا دلوقى فضيت وان شاء الله هاعوض كل اللى فاتنى.

DanDana F.

I'm sorry etisalat but......

I'm proudly to be

A Vodafoner

forever

حصل خييير

برضه 4 أحسن من 6

In Memoriam

الدعاء للمتوفى

من فضلك أنشرها

بسم الله الرحمن الرحيم

لا اله الا الله وحده لا شريك له. له الملك وله الحمد و له الفضل و له الثناء الحسن يحيي ويميت بيده الخير و هو على كل شىء قدير لا اله الا الله لا نعبد الا اياه مخلصين له الدين ولو كره الكافرون ولا حول و لا قوه الا بالله. اللهم صلى علي سيدنا محمد خاتم النبيين و المرسلين عليه افضل الصلاه و اتم التسليم.
اللهم يا رحمن الدنيا و الاخره ورحيمهما أرحمنا و أرحم أمه محمد (ص) رحمه كافه تغنينا بها عن رحمه من سواك.
اللهم أرحم موتانا و موتي المسلمين.
اللهم أغفر لحينا و ميتنا و شاهدنا و غائبنا كبيرنا و ضغيرنا ذكرنا و أنثانا.
اللهم من أحييته منا فأحييه علي السلام و من توفيته منا فتوفه علي الايمان.
اللهم أرحم "المتوفي" رحمه واسعه و تغمده برحمتك.
اللهم ارحمه فوق الارض و تحت الارض و يوم العرض عليك .
اللهم و لا تخزه يوم يبعثون } يوم لا ينفع مال ولا بنون الا من أتي الله بقلب سليم{
اللهم قه عذابك يوم تبعث عبادك.
اللهم انزل نورا من نورك عليه.
اللهم يا حنان يا واسع الغفران اغفر له و ارحمه و عافه و اعف عنه و أكرم نزله ووسع مدخله و أغسله بالماء و الثلج و البرد و نقه من الذنوب و الخطايا كما ينقي الثوب الأبيض من الدنس.
اللهم نور له قبره وأنسه في وحدته و أنسه في وحشته و أنسه في غربته اللهم و أرحم شيبته.
اللهم اجعل قبره روضه من رياض الجنه و لا تجعله حفره من حفر النار.
له و لجميع موتانا و موتي المسلميين.


اللهم أبدله دارا خير من داره و أهلا خير من أهله و زوجا خير من زوجه و أدخله الجنه و أعذه من عذاب القبر و من عذاب النار.
اللهم أدخله الجنه من غير مناقشه حساب و لا سابقه عذاب. برحمتك يا أرحم الراحمين.
اللهم ان " المتوفي" في كفالتك و في ضيافتك فهل جزاء الضيف الا الاكرام و الاحسان و انت أهل الجود و الكرم.
اللهم ان " المتوفي" في حاجه الي رحمتك و انت في غني عن عذابه فأرحمه.
اللهم حرم لحمه و دمه عن النار و بشرته عن النار.
الللهم أستقبله عندك خال من الذنوب و الخطايا و أستقبله بمحض أرادتك و أنت راض عنه غير غضبان عليه.
اللهم أفتح له أبواب جنتك و أبواب رحمتك أجمعين.
اللهم اني أسألك يا حنان يا منان يا بديع السموات و الأرض يا ذا الجلال و الاكرام أن تغفر له و ترحمه.
اللهم أجعل " المتوفي " من الذين اذا أحسنوا استبشروا.
اللهم اني أسألك يا أرحم الراحمين أن يكون "المتوفي" ممن بشر عند الموت بروح و ريحان و رب راض غير غضبان.
اللهم يا باسط اليدين بالعطايا يا قريب يا مجيب دعوه الداعي اذا دعاه يا حنان يا منان يا رب يا رحمن يا بديع السموات و الأرض يا أحد يا صمد أعطي "المتوفي" من خير ما أعطيت به نبينا محمد (ص) عطاء ما له من نفاذ من مالك خزائن السموات و الأرض عطاء عظيما من رب عظيم عطاء ما له من نفاذ عطاء أنت له أهل عطاء يليق بجلال وجهك و عظيم سلطانك.
اللهم أغفر "المتوفي" و أرحمه عدد من قال لا اله الا الله و يقولها القائلون من أول الدهر الى أخره عدد ما أحصاه كتاب الله و أحاط به علمه و أضعاف ذلك أضعاف مضاعفه و كل ضعف يتضاعف من ذلك أضعاف مضاعفه أبد الأبد و منتهي العدد بلا أمد لا يحصيه الا هو و لا يحيط به الا علمه.
له و لجميع موتانا و موتي المسلمين.

اللهم وشفع فيه نبينا و مصطفاك و أحشره تحت لوائه أسقه من يده الشريفه شربه هنيئه لا يظمأ بعدها أبدا.
اللهم وأظله تحت ظل عرشك يوم لا ظل الا ظلك ولا باقي الا وجهك.
اللهم وبيض وجهه يوم تبيض وجوه وتسود وجوه .
اللهم يمن كتابه ويسر حسابه وثقل بالحسنات ميزانه وثبت علي الصراط أقدامه وأسكنه فى أعلى الجنات فى جوار نبيك و مصطفاك(ص).
اللهم أكتبه عندك من الصلحين والصديقين والشهداء و الأخيار و الأبرار.
اللهم أنه صبر على البلاء فلم يجزع فامنحه درجه الصابرين الذين يوفون أجورهم بغير حساب فأنت سبحانك القائل }انما يوفي الصابرون اجرهم بغير حساب{ فاللهم اكتبه عندك من الصابرين و جازه جزاء الصابرين.
اللهم اني أسألك في هذه الساعه ان كان "المتوفي" في سرور فزد في سروره و من نعيمك عليه و ان كان في عذاب فنجه من عذابك و أنت الغني الحميد برحمتك يا أرحم الراحمين.
اللهم انه نزل بك و أنت خير منزول به و أصبح فقيرا الى رحمتك و أنت غنى عن عذابه أته برحمتك ورضاك وقه فتنه القبر وعذابه و أته برحمتك الأمن من عذابك حتى تبعثه الى جنتك يا أرحم الراحمين.
اللهم تقبل منه القليل و تجاوز عن التقصير.
اللهم عامله بما أنت أهله و لا تعامله بما هو أهله.
اللهم أجزه عن الأحسان أحسانا و عن الأسءه عفوا وغفرانا.
اللهم أن كان محسنا فزد في حسناته وأن كان مسيئا فتجاوز عن سيئاته يا رب العالمين.
اللهم أجعل مرضه كفاره لجميع ذنوبه و أجعل أخر عذابه عذاب الدنيا.
له و لجميع موتانا و موتي المسلمين.

اللهم اني أتوسل أليك بأسمائك وصفاتك يا ذا الجلال و الاكرام يا حي يا قيوم أن تغفر له و ترحمه.
اللهم اني أسألك بأسمائك الحسني وصفاتك العليا وباسمك الأعظم أن تتقبل منا دعاءنا بقبول حسن وأن تجعله خالصا لوجهك الكريم.
اللهم ثبته بالقول الثابت وأرفع درجته و أغفر خطيئته و ثقل موازينه.
اللهم أحعل حسابه حسانا يسيرا يا من هو أرحم من عباده بأنفسهم ومن الأم بولدها.
اللهم انزله منزلا مباركا و أنت خير المنزلين.
اللهم أنزله منازل الصديقين والشهداء والصالحين وحين أولئك رفيقا.
اللهم افسح له في قبره مد بصره وأفرش قبره من قراش الجنه.
اللهم أعذه من عذاب القبر وجاف الأرض عن جنبيه.
اللهم املأ قبره بالرضا و النور و الفسحه و السرور.
اللهم قه السيئات }ومن تقى السيئات يومئذ فقد رحمته{.
اللهم أغفر له في المهديين وأخلفه في عقبه من الغابريين و أغفر لنا وله يا رب العالمين وأفسح له في قبره ونور له فيه.
اللهم أن "المتوفي" في ذمتك وحبل جوارك فقه فتنه القبر وعذاب النار و أنت أهل الوفاء و الحق فأغفر له وأرحمه انك أنت الغفور الرحيم.
اللهم ان هذا عبدك وأبن عبدك وأبن أمتك خرج من روح الدنيا وسعتها ومحبوبيها و أحبائه فيها الي ظلمه القبر و ما هو لاقيه كان يشهد أن لا اله الا أنت وأن محمد(ص) عبدك ورسولك و أنت أعلم به منا.
اللهم انقله من مواطن الدود وضيق اللحود الي جنات الخلود }في سدر مخضود؛ وطلح منضود؛ وظل ممدود؛ وماء مسكوب؛ وفاكهه كثيره؛ لا مقطوعه ولا ممنوعه؛ وفرش مرفوعه؛{.
لا اله الا أنت يا حنان يا منان يا بديع السموات والأرض تغمد "المتوفي" برحمتك يا أرحم الراحمين.
له و لجميع موتانا و موتي المسلمين.

اللهم أن كان "المتوفي" غير أهلا لوصول رحمتك فرحمتك أهلا لأن تسعه.
اللهم أطمعه من الجنه وأسقه من الجنه وأره مكانه في الجنه وأفتح له أبواب الجنه وقل له أدخل من أى باب تشاء.
اللهم قه شر الجحيم وشر شجرة الزقوم ولا تريهما له أبدا.
اللهم أمنه من فزع يوم القيامه وهول يوم القيامه وأجعل نفسه أمنة مطمئنه ولقنه حجته.
اللهم أجعله في بطن القبر مطمئنا وعند قيام الأشهاد أمنا وبجود رضوانك واثقا والي أعلي علو دراجاتك سابقا.
اللهم أجعل عن يمينه نورا وعن شماله ومن فوقه نورا ومن تحته ومن أمامه نورا ومن خلفه نورا حتي تبعثه أمنا مطمئنا في نور من نورك.
اللهم أن "المتوفي" عبدك ابن عبدك يحتاج الي رحمتك وأنت غني عن عذابه فأرحمه.
اللهم أنظر اليه نظره رضا فان من تنظر اليه نظره رضا لا تعذبه أبدا.
اللهم أسكنه فسيح الجنان وأغفر له يا رحمن.
اللهم أغفر وأرحم وتجاوز عما تعلم فانك أنت الله الأعز الأكرم.
اللهم وأرزقه لذه النظر الي وجهك والشوق الي لقائك.
اللهم وأرجع نفسه اليك راضيه مرضيه وأدخله في جنتك مع عبادك الصالحين.
اللهم أنت الغني ونحن الفقراء فأنت الغني ونحن الفقراء قأنت غني عن عذابه فأرحمه.
اللهم أعف عنه فأنك سبحانك القائل }ويعفوا عن كثير{.

له ولجميع موتانا و موتي المسلمين.


اللهم انه جاء ببابك وأناخ بجنابك فجد عليه بعفوك واكرامك وجودك واحسانك.
اللهم ان رحمتك وسعت كل شئ وهو شئ فأرحمه رحمه تطمئن بها نفسه وتقر بها عينه.
اللهم و أحشره مع المتقين الى الرحمن وفدا.
اللهم أحشره مع زمرة المقربين وبشره بروح وريحان وجنه نعيم.
اللهم أحشره مع أصحاب اليمين وأجعل تحيته سلام لك من أصحاب اليمين.
اللهم بشره بقولك }كلوا واشربوا هنيئا بما أسلفتم في الأيام الخاليه.{
اللهم أجعله من الذين سعدوا }وأما الذين سعدوا ففي الجنه خالدين فيها مادمت السموات والأرض{.
اللهم لا نزكيه عليك ولكننا نحسب أنه أمن وعمل صالحا فأجعل له جزاء الضعف بما عمل وأجعله فى الغرفات من الأمنين.
اللهم أنه خاف مقامك فاجعل له جنتين ذواتي أفنان بحق قولك }ولمن خاف مقامك ربه جنتان{.
اللهم أجعله مع}الذين أنعم الله عليهم من النبين والصديقين و الشهداء و الصالحين وحسن أولئك رفيقا{.
اللهم أجعله في جنه الخلد}التى وعد المتقون كانت لهم جزاء و مصيرا؛لهم فيها ما يشاءون خالدين كان على ربك وعدا مسئولا؛{.
اللهم أنجز له وعدك الذى وعدت فى قولك }وأن للمتقين لحسن مئاب؛ جنات عدن مفتحة لهم ألأبواب؛ متكئين فيها يدعون فيها بفاكهه كثيره و شراب؛ وعندهم قاصرات الطرف أتراب؛ هذا ما توعدون ليم الحساب؛ ان هذا لرزقنا ما له من نفاذ؛{.
اللهم بشره بقولك } وبشر الذين أمنوا وعملوا الصالحات أن لهم جنات تجرى من تحتها الأنهار كلما رزقوا منها من ثمرة رزقا قالوا هذا الذى رزقنا من قبل وأتوا به متشابها ولهم فيها أزواج مطهرة وهم فيها خالدون؛{.
له و لجميع موتانا و موتي المسلمين.


اللهم أجعل ذريته سترا بينه وبين نار جهنم.
اللهم أجعل ذريته ذرية صالحه تدعوا له بخير الي يوم الدين وثبتها علي ذلك يا رب العالمين.
اللهم أدخله بمنك وكرمك جنات النعيم.
اللهم انى أسألك الفردوس الأعلي نزلا له.
اللهم وأبني له بيتا في الجنه وأجعل ملتقانا به هناك.
اللهم أنه كان مصليا لك فثبته على الصراط يوم تزل الأقدام.
اللهم انه كان لك صائما فأدخله الجنه من باب الريان.
اللهم أنه كان لكتابك تاليا فشفع فيه القرأن وأرحمه من النيران وأجعله يا رحمن يترقي في الجنه الي أخرأية قرأها وأخر حرف تلاه.
اللهم وأرزقه بكل حرف من القرأن حلاوه وكل كلمه كرامه وبكل أية سعاده وبكل سورة سلامه وبكل جزء جزاء.
اللهم يا جامع الناس ليوم لا ريب فيه أجمع "المتوفي" بنبينا محمد(ص) كما جمعت بين الروح والجسد.
اللهم أغفر "لمتوفي" حتي لا يبقي من المغفرة شئ.
اللهم أرحم "المتوفى" حتي لا يبقى من الرحمة شئ.
اللهم أرض عن "المتوفى" حتى لا يبقى من الرضا شئ.
اللهم أغفر "المتوفى" عدد خلقك وأغفر له رضا نفسك وأغفر له مداد كلماتك وأغفر له زنة عرشك برحمتك يا أرحم الراحمين.
اللهم أغفر لى وله وأعقبنا منه عقبه حسنه.
اللهم أنه عبدك أسلمه الأهل والمال والعشيره والذنب العظيم وأنت الغفور الرحيم.
اللهم أغفر لأحيائنا وأمواتنا وألف بين قلوبنا وأصلح ذات بيننا وأجعل قلوبنا على قلوب خيارنا اللهم أغفر له اللهم وأرحمه اللهم أرجعه الى خير مما كان فيه اللهم عفوك.
اللهم أنت ربنا وربه خلقته ورزقته وأحييته وكفيته فأغفر لنا وله .

له ولجميع موتانا و موتي المسلمين.


اللهم "المتوفي" عبدك خلقته ان تعاقبه فبذنبه وان تغفر له فأنك أنت الغفور الرحيم.
اللهم صعد روحه في السماء ووسع عن جسده الأرض اللهم نور له في قبره وأفسح له في الجنه وأخلفه فى أهله .
اللهم أغفر لهذه النفس الحنيفه المسلمه وأجعلها من الذين تابوا وأتبعوا سبيلك وقها عذاب الجحيم.
اللهم أصبح (أو أمسى) عبدك قد تخلي من الدنيا وتركها لأهلها وأفتقر اليك واستغنيت عنه وكان يشهد أن لا اله الا أنت وأن محمدا عبدك ورسولك فأغفر له وتجاوز عنه.
اللهم أجعله لنا فرطا وأجعل الجنة بيننا وبينه موعدا.
اللهم عبدك وأبن عبدك أحييته ما شئت وتبعثه اذا شئت اللهم ان كان زاكيا فزكه وان كان مسيئا فتجاوز عنه .
الهم لا تحرمنا أجره ولا تضلنا بعده.
اللهم أني أسألك له الدرجات العلى من الجنة (أمين) وأدخله الجنة أمن(أمين) واسألك له خلاصا من النار سالما (أمين) وأدخله الجنة أمن.
اللهم لا تحرمنا أجره ولا تفتنا بعده وأغفر لنا وله يا رب العالمين.
رب أغفر لى ولوالدى وأرحمهما كما ربياني صغيرا.
اللهم أغفر لنا ولأخواننا الذين سبقونا بالأيمان ولا تجعل فى قلوبنا غلا للذين أمنوا ربنا أنك غفور رحيم.
اللهم لا تؤاخذنا أن نسينا أو أخطأنا ربنا لا تحمل علينا اصرا كما حملته على الذين من قبلنا.
سبحان ربك رب العزه عما يصفون وسلاما غلى المرسلين والحمد لله رب العالمين.
و صلي اللهم علي سيدنا محمد وعلى اله و صحبه اجمعيين.

من فضلك أنشرها

التعديلات الدستوريه

مبدئيا......
امبارح كنت مشتركه فى يوم الاغلاق للكمبيوتر 24 مارس
استفزتنى كلمة ياترى هتقدروا تستغنوا عن الكمبيوتر بتاعكم لمدة يوم واحد. طبعا انا مكدبتش خبر وقلت أكيد , وقفلته فعلا اليوم كله بس يا ساااااااااااااااااتر ده كان يوم غريب ومصدقت الساعه دقت 12 وجريت جرى عليه..
يلا ما عينا ......
امبارح بقى بما انى كنت مش لاقيه حاجه اعملها اعدت اتفرج على 90 دقيقه والعاشره مساء, الأتنين فى وقت واحد اقللب من ده أروح على ده وكلهم بيتكلموا فى موضوع واحد مفيش غيره
التعديلات الدستوريه
مبدأ السم فى العسل, يتاخدوا البيعه على بعضها يبلاش منها خالص...
على فكره انا ضد التعديلات دى جدا لكن فى صالح مين نقاطع الاستفتاء طب منروح ونقول لأ.
موقف المعارضه فى بلادنا غريب موت, احنا لو قاطعنا الاستفتاء هيروحوا أعضاء الحزب الوطنى وحلفاؤهم وتكون الاغلبيه للموافقه.
للأسف موقف المعارضه بيدعم التعديلات الدستوريه حتى لو كانت الحكايه ماشيه ماشيه والدستور هيتعدل هيتعدل باستفتاء أو بدونه. برضه مينفعش نستسهل المقاطعه كده فى كل حاجه لأنها مش جايبه همها مع الحكومه بتاعتنا.
اللى عجبنى فعلا موقف سئيلة الدم كونديليزا رايس. الهانم مش مرحبه بالتعديلات الدستوريه المصريه وبتعرب عن قلقها . وهى ملها بس بالحوار ده كله, ايه اللى حشرها فينا
يلا ولا بلاش....

قصيدة ايمان بكرى عن الدستور بجد وهميه

كل سنه و انت طيبه

كل سنه و مامتى و كل أم فى مصر بخير يا رب و بأحسن حال

اسئله مجننانى

.اسئله بجد نفسى أعرفلها اجابه... محيرانى و مجنناى مووت

1. يا ترى وزير الصحه لما بيتعب بيتعالج فين؟

2. ياترى وزير الداخليه لما حد بيزعله او بيضايقه بيلجأ لمين؟

3. يا ترى وزير الماليه بيقبض كام؟

4. يا ترى اولاد سيادة وزيرة القوه العامله بيشتغلوا ايه؟

5. يا ترى وزير الثقافه بتاعنا بيقضى وقته ازاى؟

6. ويا ترى رئيس الجمهوريه بيدفع زكاة المال بتاعته لمين؟

إحقاقأ للحق

بسم الله الرحمن الرحيم

لا تحسبن الذين قتلوا في سبيل الله امواتاً بل احياء عند ربهم يرزقون، فرحين بما اتاهم الله من فضله ويستبشرون بالذين لم يلحقوا بهم من خلفهم الا خوف عليهم ولا هم يحزنون.

صدق الله العظيم

زى ما أتعودنا على ٍانتقاد بعض رجال الشرطه على اللى بيحصل فى الاقسام وحملة لا للتعذيب وكل الكلام ده, انا حسيت ان فى واحد النهارده لازم كلنا نكرمه لأنه عمل واجبه على أكمل وجه وضحى بحياته فى سبيل أنقاذ فتاه من الأعتداء عليها.

هو الملازم أول/ محمد عبد الكريم المتناوى 24 سنه احد شهداء الشرطه واللى ضحى بحياته فى سبيل اداء واجبه , كان فى كمين على محور المنيب سمع صوت استغاثه بنت من احد الميكروباصات, غيره كتيير أوى حيقولوا وانا مالى, لكن الشهيد قام بمطاردة السياره. المجرمين استمروا فى القياده وحاولوا يهربوا من الشرطه اضطر الملازم محمد لأطلاق الرصاص على ٍاطارات السياره ووقفت فعلاٌ , واحد من المجرمين دول حاول ان ينزع السلاح من محمد لكن رصاصه للأسف خرجت غلط واستقرت فى قلب الشهيد
توفى الشهيد فى نفس اللحظه و قبل اسبوعين من زفافه, رئيس الجمهوريه اصدر قرار بترقية الى نقيب.

انا عن نفسى أتأثرت جدا بالقصه دى وأعتقد ان فى غيرى كتتير اوى اتأثروا بيها برضه, ويكفى ان اكثر من 5000 شخص شيعوا جثمان الشهيد الراحل
ندعوا الله ان يتقبله شهيدا ويسكنه جناته ويصبر أهله.

ياااارب

الى كل شاب و كل فتاه

يلا كلوا كده فى نفس واحد

يارب يا دندنه تنجحى بتفوق

ولو بتفوق دى مش عاجباكم , مش مهم بلاش منها خالص نخليها.....

يارب يا دندنه تنجحى وخلاص

اى حاجه انا راضيه بس بالله عليكم تدعولى ربنا يعدى يومين الامتحانات دول على خير

و يجعله عامر

أخر ايام صدام

فى فترة اعتقاله صدام يقرأ الشعر ويطعم الطيور

البوست ده عباره عن مقال بيضم مجموعه من المقابلات والحوارات التى قام بها روبرت اليس الممرض الذى كان موكل اليه الاهتمام بالرئيس السابق صدام حسين فى فترة احتجازه تحت الوصايه الامريكيه كان موقع ام اس ان قد نشره من قبل انا حبيت انى اترجمه واعرضه فى ساعة عصارى لأنه بيوضح جانب انسانى حلو اوى فى صدام و بشهادة اعدائه.....

" الرئيس السابق صدام حسين كان متعطشا للقراءه , يطعم الطيور ويتلى النكت اثناء وجوده تحت الوصايه الامريكيه." هكذا قال الممرض الامريكى فى احدى مقابلاته بأحدى وسائل الاعلام الامريكيه.
روبرت اليس 56 عاما ممرض بغرفة العمليات والمخصص لصدام اثناء وجوده تحت الاحتجاز العسكرى الامريكى يصف صدام بالمهذب صاحب نزعه تأمليه مما يتناقد بشده على حد قوله مع سمعة صدام الوحشيه والتى اكتسبها فى فتره حكمه للعراق.
" كان يتحدث بشكل اساسى عن زوجته واولاده" اليس فى لقائه بشبكة سي ان ان الاخباريه.
" كان قارئا متعطشا , يعشق القراءه والكتابه. كان لديه العديد من القصص التى قام بكتابتها, وكانت لديه مذكره يكتب فيها بشكل يومى وعند ميعاد زيارتى له كان يقراء لى منها "
كما ذكر اليس انه كانت لديه اوامر صارمه لضمان بقاء صدام حيا فترة وجوده فى أيدى الولايات المتحده.
" هذه كانت وظيفتى ابقاء صدام حيا وبصحه جيده, حتى يتسنى لهم قتله فيما بعد. " اليس فى حوارا له مع احدى الصحف الامريكيه.
ولم يكن اليس راضيا عن عقوبة الاعدام التى طبقت على صدام.
" كنت محبطا نوعا ما بعقوبة الاعدام ." اليس لشبكة سى أن أن .
" توقعت انهم سوف يسجنونه مدى الحياه لا اكثر ولا اقل, كمحاولة لتفادى العنف والذى اعلم انه سوف يحدث بعد اعدامه.".
"صدام عندما سمح له بتمشيه قصيره بالخارج, كان يطعم الطيور ببقايا الخبز الذى كان يحتفظ به من وجباته وكان يسقى النباتات , كان يقول انه كان فلاحا ولن ينسى ابدا اصله." اليس لجريدة سانت لويز.
ويقول اليس ايضا انه لم يكن يصدق ان صدام كان وحيدا فى فترة اعتقاله لأنه كان دائما مرحا وبشوشا.
" صدام كان يتمتع بحس فكاهى طيب , كان يتلى النكت ويقراء ويصلى بأستمرار."
قال اليس انه كان يراقب صحة صدام من الفتره يناير 2004 الى اغسطس 2004 يزوره مرتان فى اليوم ويعطيه دوائه بشكل يوميى ويقيس له الحراره وضغط الدم كما يتأكد من ان كمية الطعام والشراب التى تصله مناسبه.
" كان الحراس يطلقون على صدام (المنتصر) كأسم سرى "
اقدم صدام على اضراب للطعام مره رافضا ان يأكل من الطعام الذى كان الحراس يزجونه من تحت الباب, ولكن عندما بدأ الحراس بتقديم الطعام له بعد فتح باب الزنزانه اسقط الاضراب.
ويقول اليس فى هذا الشأن " انه رفض ان يطعم كالاسود."
كما افاد اليس ان صدام لم يظهر ابدا عدائا له ولكنه سألنى مره لماذا غزت امريكا العراق فى عام 2003
يقول اليس" قال لى صدام ان كل ما فعله كان من اجل العراق."
" فى احدى المرات التى ذهبت لرؤيته فيها سألنى لماذا قمنا بالغزو أتخذ وضعية من يقوم بأطلاق النار وقال لى لماذا جاء الجنود للبلد, القانون المطبق فى العراق كان قانونا عادلا ومفتشى الاسلحه لم يجدوا اى شىء."
" فقلت له هذه سياسه ونحن مجرد جنود لا دخل لنا بها."

فوزيه البرجوازيه

ليبرالى ,امبريالى ,برجوازى, شيوعى, يسارى, يمينى
لأ شيعى, ده سنى, ابراهيمى...........
هما كام كلمه كده كل واحد يحب يتنطط على خلق الله يقوم يقولهم حاجه كده زى فوزيه البرجوازيه. و انت امبريالى يله ؟
قلت طب منشوف ايه الحكايه دي؟ مين يعنى كارل ماركس ؟ ولا جيفارا اللى بين يوم وليله كده بقى ابونا الروحى وقدوتنا العليا
قلت مبدهاش بقى احنا نمسكهم كده واحده واحده وبعدين ورانا ايه يعنى ..............

اولا يعنى ايه شيوعيه؟

هى عباره عن مذهب يؤمن بأن الدوله لازم تسيطر على المجتمع بحيث يصبح كل شىء فى الدوله ملكيه عامه يعنى ميبقاش فيه قطاع خاص خالص.
المذهب ده بقى يؤمن ان كل الناس لازم تبقى زى بعض (ازاى مش فاهمه) ميبقاش فيه غنى وفقير كل واحد يبقى معاه قد التانى
اصحاب المذهب ده كانوا شايفين ان ده من شأنه انتشار العداله بين كافة طبقات المجتمع
فى بعض الناس بيسموا الشيوعيه بالماركسيه وده نسبه الى منشىء هذا المذهب وهو كارل ماركس فيلسوف المانى كبير وتلاقى ديما الجماعه المثقفين او الوطنين بيهتفوا بأسمه وبيعتبروه بطل عالمى وحاجات من دى يعنى.

وعلى فكره كمان الشيوعيه هى هى الاشتراكيه يلا اى خدمه

طب ويعنى ايه بقى البرجوازيه دى؟

دول بقى اللى أحنا بنقول عليهم كده كريمة المجتمع يعنى اصحاب الطبقه العليا أو الارستقراطيين وكانوا بياخذوا معاهم كمان اصحاب المهن اللى عندهم القدره على الانتاج والسيطره على المجتمع وموؤسساته للمحافظه على مكانة البلد.
فاكرين عم ماركس بقى اللى اتكلمنا عنه فوق. أخينا ده بقى مكانش بيحب البرجوازيه ولا البرجوازيين ولا طبعا الحاجه فوزيه. كان شايف ان البرجوازيه دى عايزه تقسم المجتمع الى طبقات وده طبعا كان ضد معتقدات كارل ماركس علشان كان بيؤمن بالمساواه زى ما قولنا. انت نسيتوا ولا ايه.

طيب تمام لحد كده... يعنى ايه بقى رأسماليه؟

كلنا عارفين طبعا الثوره الصناعيه اللى حصلت فى العالم. اهى الرأسماليه دى بقى كانت نتيجه للثوره الصناعيه وهى تعتبر عكس الشيوعيه تماما لأنها تؤمن بأن كل واحد من حقه ان يكون ليه أملاك خاصه بيه ومن حقه انه يسعى للتوسع فيها كمان. انا فى رأيي أن ادم سميث وديفيد ريكاردو هما أهم رواد للمذهب ده
مع ان كان فى قبلهم علماء كبار وضعوا اساسات لهذا للمذهب.
على أى حال لحد كده حلو مووووووووت بس للأسف الراسماليه كانت السبب فى ظهور المستعمرات او اللى اطلقوا عليها الغرب امبراطوريات واللى اتعرفت بمذهب الأمبرياليه.
معلش انا عارفه انكوا زهقتووووا منى خالص .

يعنى ايه بقى امبرياليه؟؟

يعنى سياسة توسيع السيطره او السلطه الى البلاد المجاوره. يعنى من الاخر كده الاستعمار.
السبب فى ظهور حركة الاستعمار فى العالم كان تكالب الدول الكبرى ( المفتريه) -زى المانيا وفرنسا سنة 1860 -على الدول الغلبانه فى قارة أفرقيا والى كانت مصر منهم ( يلا ربنا يخدهم)علشان تسرق منهم المواد الأوليه وتستخدمها فى الصناعه وبعدين ترجع تبعها للدول الفقيره باسعار خياليه .

نيجى لحكاية يسارى ويمينى......
يسارى وبدون لف ودوران كتيير يعنى المذهب المخالف للمذهب المتبع فى الدوله
بالله عليكم اوعوا تناموا منى . الحكايه باختصار كده ان مثلا فى الغرب الليبراليه هى المذهب المتبع يبقى الاشتراكيه مذهب يسارى والعكس فى الاتحاد السوفيتى مثلا ده كان اشتراكى يبقى الليبراليه فيه مذهب يسارى. ها وصلت؟
واليمينى يبقى عكس اليساري كده.

طيب بمناسبة الكلام عن اليساريين نتكلم بالمره عن جيفارا بأعتباره اعظم واشهر اليساريين فى العالم....
جيفارا ارجنتينى ولد سنة 1928 فى بداية حياته كان بيدرس فى كلية الطب وكان مصاب بمرض الربو وده كان مرض خطير ساعتها منعه من الالتحاق بالجيش . كان بيؤمن بوحدة امريكا الجنوبيه وكان بينظر لأمريكا باعتبارها دوله مضطهده لدول امريكا اللاتينيه.
حاول القيام بثوره فى زائير بس فشلت لعوامل كتيير كان أهمها اختلاف اللغه. قتل جيفارا فى بوليفيا كان بيحاول تنظيم ثوره على الحكومه هناك. تم القبض عليه بالتعاون مع القوات البوليفيه و المخابرات الامريكيه . بعد اعدامه بخمس سنوات نشرت مذكراته ومن ساعتها و(تشى جيفارا) رمز من رموز الثوار على الظلم والفساد.

طيب ولو ان مش موضعنا خالص لكن بعض الناس ممكن يخلطوا بين شيوعى وشيعى.علشان كده بالمره نشوف ايه الفرق بين الشيعه والسنه ( حاجه كده فوق البيعه يعنى)
السنه: بيمثلوا الغالبيه العظمى لكافة المسلمين وهم بيؤمنوا وانا معهم (والحمد لالله) بالله ورسوله شأنهم شأن الشيعه. بس السنه تفرق عن الشيعه فى أنهم ييقروا بخلافة كل الخلفاء الراشدين :سيدنا ابو بكر و سيدنا عمر بن الخطاب وسيدنا عثمان بن عفان وسيدنا على بن ابى طالب وسيدنا الحسن بن العلى.
الشيعه: ينكرون خلافة كل من سيدنا ابو بكر وسيدنا عمر وسيدنا عثمان ويؤمنون بأن سيدنا على بن ابى طالب كان احق بالخلافه منهم.


على كل حال انا كده خلصت اللى عندى انا عارفه انى طولت عليكم اسفه اوووى. وعلى فكره انا طبعا مش مثقفه اوى كده ولا حاجه الحكايه فعلا ان المصطلحات دى كانت محتاجه نراجعها ونشوف ايه الجديد علشان محدش يتنطط علينا تانى.

اللهم ارزقنا الاخلاص فى القول والعمل.
وجزاكم الله كل خير

شخصيه العام وكل عام

رحلة حياة السادات



مجلة التايم الامريكيه اختارتنا كشخصية عام 2006 اختارت القارىء المتصفح للانترنت. أ/ مفيد فوزى فى برنامج 90 دقيقه على قناة المحور اختار المواطن المصرى كشخصية العام وطبعا كلنا عارفين ليه.

انا سألت نفسى , لو هاختار شخصية العام ممكن يكون مين!!
بصراحه واحد بس هو الى يستاهل يتوج شخصية العام وكل عام الشهيد الراحل محمد انور السادات.

عارفه انه توفى منذ اكثر من 25 سنه وعارفه ان كتيير هيقولوا ان ليه يعنى نختار واحد توفى كشخصية العام وهيقولوا كمان مش من قلة الناس اللى ساهموا فى بلدنا وهيقولوا وهبقولوا بس مش مهم ........
انا اختارت السادات لأن فى رأيى ان السادات وبدون اى مبالغه أكثر المصريين عطائا لمصر.
نعم فلولا السادات لكان المصريين فى صراع مع اسرائيل الى يومنا هذا.
كنا اصبحنا سيناريو مكرر من فلسطين وسوريا ولبنان
قدم للعرب السلام على طبق من فضه لكن كبريائهم منعهم من مد يد السلام .

اقدر واحترم السادات لعدة اسباب

تولى الحكم عام 1970 أى بعد مرور 3 سنوات على نكسة 67, يعنى فى وقت الشعب كان بيغلى وينام ويصحى يحلم بالحرب. تخيلوا كم الضغط اللى كان عليه من اول يوم ليه فى الرئاسه.
بعد توليه الحكم قرر وبصنعة لطافه كده ومن غير بروباجندا انه يتخلص من مساوىء الحكم السابق واللى كان منها...
1. الغاء كافة وسائل التصنت على افراد الشعب المصرى و اللى كانت بدون وجه حق.
2. رفضه لمبدا الاعتقال العشوائى لكل من يتجرأ ويعترض كان معروف ان فى العهد الرئاسى السابق للسادات امتلأت المعتقلات بمئات الابرياء وكثير منهم ماتوا من هول التعذيب.
3. كان فى الحكم السابق لأنور السادات ما بعرف بزوار الفجر. كان الواحد يكون قاعد ببيته فى أمان الله ومره واحده فى الفجر, نص اليل تلاقى الباب اتكسر عليه واتاخد من قبل عناصر الامن ويتم اعتقاله بدون أى سبب وبدون حتى محاكمه ومفيش اى بشر من اهله ممكن يعرف مكانه تانى . الكلام ده كله فى عهد السادات اتلغى.
اعتقد انه الرئيس الوحيد فى التاريخ الذى رضى ان يجعل من نفسه اضحوكه لتمويه العدو, وابعاد فكرة دخول مصر الحرب عن تفكيرهم
كان زعيما ينظر امامه لا تحت قدمه, أختار طريق السلام ويلقب خائنا على ان يختار طريق الحرب ويتوج بطلا من قبل باقى الدول العربيه.
نجاحه فى 6 اكتوبر كان سببه الاساسى ان كان يعلم حجم عدوه ولم يستهن به ابدا. كان بأمكان الجيش المصرى ان يحارب اسرائيل وحدها, لكن كان ضرب من الجنون محاربة اسرائيل ومعها وعد امريكى بموازنة الجيش الاسرائيلى لا بالجيش المصرى فقط ولكن بكافة الجيوش العربيه مجتمعه.

هو من قال:" عاهدت الله وعاهدتكم على أن جيلنا لن يسلم أعلامه إلى جيل سوف يجئ بعده منكسة أو ذليلة، وإنما سوف نسلم أعلامنا مرتفعة هاماتها عزيزة صواريها، وقد تكون مخضبة بالدماء، ولكننا ظللنا نحتفظ برءوسنا عالية في السماء وقت أن كانت جباهنا تنزف الدم والألم والمرارة

انا من هذا الجيل الذى كان يتحدث عنه وبعد ان رأيت كيف تعيش الشعوب من حولى تحت الاحتلال لا يسعنى الا ان ادعو له بالرحمه والمغفره. أرجو الله ان يسكنه فسيح جناته مع الشهداء والابرار.

رحمه الله محاربا كان يعشق معنى السلام.