مبدئيا......
امبارح كنت مشتركه فى يوم الاغلاق للكمبيوتر 24 مارس
استفزتنى كلمة ياترى هتقدروا تستغنوا عن الكمبيوتر بتاعكم لمدة يوم واحد. طبعا انا مكدبتش خبر وقلت أكيد , وقفلته فعلا اليوم كله بس يا ساااااااااااااااااتر ده كان يوم غريب ومصدقت الساعه دقت 12 وجريت جرى عليه..
يلا ما عينا ......
امبارح بقى بما انى كنت مش لاقيه حاجه اعملها اعدت اتفرج على 90 دقيقه والعاشره مساء, الأتنين فى وقت واحد اقللب من ده أروح على ده وكلهم بيتكلموا فى موضوع واحد مفيش غيره
التعديلات الدستوريه
مبدأ السم فى العسل, يتاخدوا البيعه على بعضها يبلاش منها خالص...
على فكره انا ضد التعديلات دى جدا لكن فى صالح مين نقاطع الاستفتاء طب منروح ونقول لأ.
موقف المعارضه فى بلادنا غريب موت, احنا لو قاطعنا الاستفتاء هيروحوا أعضاء الحزب الوطنى وحلفاؤهم وتكون الاغلبيه للموافقه.
للأسف موقف المعارضه بيدعم التعديلات الدستوريه حتى لو كانت الحكايه ماشيه ماشيه والدستور هيتعدل هيتعدل باستفتاء أو بدونه. برضه مينفعش نستسهل المقاطعه كده فى كل حاجه لأنها مش جايبه همها مع الحكومه بتاعتنا.
اللى عجبنى فعلا موقف سئيلة الدم كونديليزا رايس. الهانم مش مرحبه بالتعديلات الدستوريه المصريه وبتعرب عن قلقها . وهى ملها بس بالحوار ده كله, ايه اللى حشرها فينا
يلا ولا بلاش....
قصيدة ايمان بكرى عن الدستور بجد وهميه
3 comments:
فى الحقيقة انا رفضت انى اقاطع التحريف الدستورى اللى حصل
لنفس السبب اللى انت اتكلمت عنه واقنعت ناس اصحابى كتير انهم يروحوا وما يقاطعوش
ورحت وقلت لا عشان يزورا الورقة بتاعتى
ومعملتش زى غيرى اللى خلاهم يعملوا فى ورقتوا اه
معلش يا دندنة
هوة انتي لا بتعلقي عند حد ولا بتسيبي حد يعلق عندك؟؟؟
Post a Comment